დევნილებისა და ეკომიგრანტების სამეწარმეო საქმიანობის მხარდაჭერის პროგრამის ფარგლებში განაცხადების მიღება 8 აპრილის ჩათვლით გაგრძელდა


დევნილებისა და ეკომიგრანტების სამეწარმეო საქმიანობის მხარდაჭერის პროგრამის ფარგლებში განაცხადების მიღება 8 აპრილის ჩათვლით გაგრძელდა.

პროგრამის მიზანს დევნილთა და ეკომიგრანტთა სამეწარმეო საქმიანობის ხელშეწყობა და ახალი სამუშაო ადგილების შექმნა წარმოადგენს.

დევნილები და ეკომიგრანტები, რომლებიც მეწარმეობით არიან დაკავებული, საქმიანობის გაფართოებისთვის საჭირო ძირითადი საშუალებების შესაძენად, 7500 ლარის ფარგლებში დაფინანსდებიან. ჯამში, გრანტს 25 მეწარმე მიიღებს, რომლებიც მინიმუმ ერთი დევნილის ან ეკომიგრანტის დასაქმების ვალდებულებას აიღებენ.

პროგრამაში მონაწილეობა იმ იძულებით გადაადგილებულ პირებს შეუძლიათ, რომლებიც სამეწარმეო საქმიანობას შიდა ქართლის, მცხეთა-მთიანეთის, აჭარისა და სვანეთის რეგიონებში ეწევიან.

ბიზნესგეგმა, თანდართულ დოკუმენტაციასთან ერთად, სააგენტოში, მის ტერიტორიულ სამმართველოებში და შესაბამის მუნიციპალიტეტებში მიიღება:

• ბათუმი, ლ. ასათიანის ქ.N25;

• ქობულეთი, დ. აღმაშენებლის გამზ. N141;

• ხულო, ტბელ აბუსერიძის ქ.N1;

• მესტია, სეტის მოედანი N1;

• ლენტეხი, თამარ მეფის ქ.N24;

• თბილისი, თამარაშვილის ქ.N15ა;

• გორი, სამების ქუჩა N1;

• რუსთავი, ცურტაველის ქ. N5ა;

• ქუთაისი, ირ. აბაშიძის გამზ. N27;

• ზუგდიდი, დ. აღმაშენებლის ქ. N106.

ბიზნესგეგმის გამოგზავნა შესაძლებელია სააგენტოს ელექტრონულ ფოსტაზეც – info@idp.gov.ge

დევნილებისა და ეკომიგრანტების სამეწარმეო საქმიანობის მხარდაჭერის პროგრამა - https://idp.gov.ge/livelihood-programs/


)